Шахмат. Нодира Надиржанова, Шамсиддин Воҳидов ва Нодирбек Абдусатторов шахмат олимпиадасини мағлубиятсиз якунлади, Афрузани Ҳамдамова аёллар гроссмейстери нормасини бажарди.

Хабар берганимиздек, Венгрия пойтахти Будапешт шаҳрида Бутунжаҳон шахмат олимпиадаси ўз ниҳоясига етди. Бу галги мусобақада эркаклар терма жамоамиз кучли учликдан жой олган бўлса, аёлларимиз 12-ўринни эгаллади. Бундан ташқари яккалик баҳсларда айрим шахматчиларимиз юқори натижаларни қайд этишди. Жумладан:

- WIM Нодира Надиржанова шахмат олимпиадасининг 8 та турида иштирок этиб мағлубияциз 7 очко жамғариб, ўз тахтасида иккинчи ўринни эгаллади;

- GM Шамсиддин Воҳидов ўз доскасида биринчи ўринни эгаллади! Шамсиддин 45-Жаҳон шахмат олимпиадасининг 10 та турида иштирок этиб бирор марта ҳам мағлуб бўлмади;

- GM Нодирбек Абдусатторов ўз доскасида иккинчи ўринни эгаллади! Нодирбек 45-Жаҳон шахмат олимпиадасининг 11 та турида иштирок этиб бирор марта ҳам мағлуб бўлмади;

- Афрузани Ҳамдамова аёллар гроссмейстери (WGM) нормасини бажарди.