Шахмат. Нодирбек Абдусатторов мукофот жамғармаси 400 минг долларлик турнирдаги ғалабали юришини давом эттирмоқда

Айни кунларда Исландияда шахмат бўйича “World Fischer Random Chess Championship” жаҳон чемпионати ўтказилмоқда.

Ушбу мусобақада ҳамюртимиз Нодирбек Абдусатторов ҳам иштирок этмоқда. Ҳамюртимиз 1-турда россиялик Ян Непомняшийга қарши дона сурди ва ғалабага эришди. 2-турда эса америкалик Уэсли Со таслим этилди. Бу ҳақда Спортни ривожлантириш вазирлиги расмий сайти хабар тарқатмоқда.

У энди навбатдаги ўйинини исландиялик Хйёрвар Стейн Гретарссонга қарши ўтказади. Гуруҳда ғолиб бўлган шахматчи ярим финалда қатнашиш ҳуқуқига эга бўлади.

Маълумот учун, мусобақанинг мукофот жамғармаси 400 минг АҚШ долларини ташкил этади.