Шахмат. Тошкентда мукофот жамғармаси 100 минг АҚШ доллари бўлган "Президент кубоги" бошланди

Бугун пойтахтимизда Ўзбекистон Республикаси Президенти соврини учун 2-бор ташкил этилаётган “Президент кубоги” халқаро турнири старт олди.

Ушбу мусобақада юртимиз шарафини якиндагина шахмат олимпиадасида ғолиб бўлган гроссмейстерларимиз – Нодирбек Якуббоев, Жавоҳир Синдаров, Шамсиддин Воҳидов ва Жаҳонгир Воҳидов химоя килади.

Айтиш керакки, «Президен кубоги» II-халкаро турнирида дунёнинг 16 мамлакатидан халкаро гроссмейстерлар, халкаро усталар шунингдек спорт усталигига номзодлар асосий гуруҳда дона суриши турнирни муросасиз ва кизикарли ўтишидан далолат беради.

Халкаро турнир низомига кўра итирокчилар 8-9-10 сентябрь кунлари 2 тадан учрашувларни ўтказишади. 13 сентябрь куни эса  сўнгги тур бўлиб ўтади.

Турнир Швейцарча тизими бўйича икки босқичда – гуруҳ босқичи ярим финал (онлайн тарзда ) ва финал (9 тур, офлайн), шунингдек, асосий босқич (10 тур) бўйича ўтказилади.

Гуруҳ босқичининг ярим финали 27 август куни chess.com платформасида 2000 нафар иштирокчи ўртасида онлайн тарзда ташкил этилди. Шунингдек гуруҳ босқичининг финали 2-сентябр куни Халқаро Шахмат Академиясида бўлиб ўтди. Гуруҳ босқичи финалида дастлабки ўнта ўринни эгаллаган иштирокчилар, асосий босқичда қатнашиш ҳуқуқига эга булишди.

Мусобаканинг умумий мукофот жамғармаси 100 000 АҚШ долларини ташкил қилади.