Шахзод Азмиддинов "Андижон" билан хайрлашди

"Пахтакор" футболчиси бўлган Шахзод Азмиддинов "Андижон" сафида ярим йил ижара асосида тўп тепди. Бугун ҳимоячи ўзининг Instagram саҳифаси орқали "бургутлар" билан хайрлашганини эълон қилди.

"Андижон"га ушбу 6 ой учун раҳмат. Бу вақт мен учун муҳим тажриба ва янги босқич бўлди. Клуб раҳбарияти, мураббийлар штаби ва жамоага ишонч, қўллаб-қувватлаш ва майдондаги кураш учун миннатдорман. Мухлисларга алоҳида раҳмат — ҳар доим ёнимда бўлганингиз учун. Шартнома якунланди, лекин бу давр хотирамда қолади. Энди олдинга — янги мақсадлар билан. Яна кўришгунча" — деб ёзди Азмиддинов.

Маълумот учун, Шахзод "Андижон" таркибида 20 та ўйинда майдонга тушиб, 1 та гол урди.