Шер Мамазулунов: Мен бу жангда 100 фоиз ютдим, лекин ҳакамлар...

Россиянинг Екатеринбург шаҳрида RCC промоушени томонидан ўтказилган профессионал кикбоксинг бўйича "Fair Fight" турнири ўз якунига етди. Ушбу жанг кечасининг марказий жангида ҳамюртимиз Шер Мамазулунов ҳамда маҳаллий жангчи Сергей Пономарёвга қарши рингга кўтарилди. 

84 кг вазн тоифасида  "Fair Fight" вақтинчалик чемпионлик камари учун бўлган, ушбу қарама-қаршилик 5-раунд давом этди. Жангда катта устунлик билан ҳаракат қилган юртдошимизни ғалабасига хатто рус шархловчилари ҳам шубҳа қилмаётган бир паллада, ҳакамлар ғалати қарор орқали ғалабани Пономарёвга тортиқ қилиб юборди.

Жангдан кейин спортчимиз "Инстаграмда"ги саҳифасида қуйидаги фикрларни билдириб ўтди: 

"Ассалому алайкум, ҳамма узоқ якиндаги мухлисларимга. Мен бу жангда 100 фоиз устунлик билан ютдим, деб уйлайман. Лекин хакамлар қарори мени қониқтирмади. Ҳақиқат қарор топишини хохлайман. "Faight Promotion" организацияни ҳурмат килганим учун қисқа вакт ичида бу жангга розилик бердим. Николай Клименко билан кўп вақтдан бери ишлайман. "Fair Faight" турнирини 2 карра чемпиониман. Мен булар учун жуда куп меҳнат қиламан, умуман дам олмай машғулот ўтказаман, буни ноҳақлик билан қабул қилишларини хохламайман", - дея ёзиб қолдирди Шер.