Шерки: “Манчестер Сити” — энг тўғри танлов, Гвардиола — тарихдаги энг яхши мураббий"

21 ёшли ярим ҳимоячи ҳисобланган Райан Шерки "Манчестер Сити"га ўтганидан сўнг клуб расмий сайтига интервью берди. У "Лион"дан 36,5 миллион евро + 6 миллион бонуслар эвазига харид қилинди.

Трансфер ҳақида

"Мен "Манчестер Сити"да ўйнаётганимдан жуда хурсандман. Бу Европадаги энг йирик клуб. Улар намойиш этадиган ўйин услуби мен учун жуда муҳим.

Бу менинг шахсий танловим ва ишонаманки, фаолиятим учун энг тўғри қарор. “Сити” — мен учун энг яхши вариант".

Гвардиола ҳақида

"Мен учун Пеп — дунёдаги энг яхши мураббий ва менимча, у футбол тарихидаги энг яхши мураббий ҳамдир.

Унинг қўл остида ўйнашни жон-дин билан истайман!" — дея таъриф бериб ўтди "шаҳарликлар"нинг янги футболчиси.