Шесни: "Тер Штеген тезроқ қайтишини хоҳлайман"

"Барселона" дарвозабони Войцех Шенсни жамоадоши Марк-Андре тер Штеген унга қандай ёрдам бергани ҳақида гапирди.

"Тер Штеген менга биринчи кундан бошлаб ёрдам берди. Ҳаттоки мен ҳали шартнома имзоламаган пайтимда ҳам у менга ёзиб, агар нимадир керак бўлса, ёрдам беришини айтди.

 Унинг тикланиш жараёни яхши кечаётганидан хурсандман. Умид қиламанки, у иложи борича тезроқ майдонга қайтади," — дея Шенснининг сўзларини келтиради Barca Universal.

Эслатиб ўтамиз, 34 ёшли полшалик дарвозабон ўтган йилнинг октябр ойида "Барселона" футболчисига айланган эди. Шу вақт ичида у барча турнирларда 13 та ўйин ўтказиб, 13 та гол ўтказиб юборди ва 7 та учрашувда дарвозаси дахлсизлигини сақлаб қолди.