Шевченко ва Ибрагимовичга етиб олишди

"Бавария" ҳужумчиси Томас Мюллер кеча ПСЖга қарши бўлиб ўтган ЕЧЛ чорак финал дастлабки баҳсида жамоасининг голларидан бирига муаллифлик қилди. Эътиборлиси, бу 31 ёшли германиялик футболчининг ушбу мусобақадаги 48-голи бўлди.

Мюллер Чемпионлар лигаси тарихидаги энг яхши тўпурарлар рўйхатида Андрей Шевченко ва Златан Ибрагимовичга етиб олди ва 8-ўринга кўтарилди.

ЕЧЛ тарихидаги энг яхши тўпурар Криштиану Роналду ҳисобланади. Унинг ҳисобида 134 та гол бор. Кучли учликдан Лионель Месси (120) ва Роберт Левандовски (73) жой олган. Кейинги ўринларда Рауль (71), Карим Бензема (70), Руд ван Нистелрой (56) ва Тьерри Анри (50) қайд этилган.

“Бавария” ПСЖга қарши жавоб учрашуви 13 апрель куни Париж шаҳрида ўтказади. Ўйин Тошкент вақти билан соат 00:00 да бошланади.