Ширер: Стоунз деганлари зўр ҳимоячи бўлолмайди
Англия футболининг энг зўр ҳужумчиларидан бири Алан Ширер “Манчестер Сити”нинг қимматбаҳо ҳимоячиси Жон Стоунзнинг ўйинига баҳо берди.
- Бу даҳшатнинг ўзгинаси, - деди Алан Ширер. – Мени Жоннинг келажаги хавотирга солмоқда. У эндигина 22 ёшга тўлди. АПЛда 100 га яқин ўйин ўтказди. Шунга қарамай, ўйинларда хато устига хато қилмоқда. Бунақада у ҳеч қачон юқори савиядаги ҳимоя бўла олмайди. “Манчестер Сити”га уни катта умидлар билан олиб келишганди. У ишончни оқлаётгани йўқ.
Жон Стоунз “Манчестер Сити” таркибида мунтазам ўйнаётган ягона англиялик ҳимоячи ҳисобланади. Мудофаанинг қолган вакиллари хорижлик футболчилардир. Стоунз Англия чемпионатида 17 та учрашувда майдонга тушди.
Фикрлар