Шоҳасан Мирзаматов жиддий рақибга қарши жанг қилади

Жорий йилнинг 21 май куни Muradov_professional_liga навбатдаги бешинчи турнирини Қўқон шаҳрида ташкил этади.

Мазкур турнирда юртимизнинг кўзга кўринган ММА жангчиси Шоҳасан Мирзаматов ҳам октагонга кўтарилади. Спортчимизнинг Sports.uz сайтига маълум қилишича, у барча ўзбекистонлик аралаш жанг санъатлари ишқибозларига таниш бўлган, Қирғизистон вакили Эдил Есенгуловга қарши жанг қилади.

Есенгулов фаолияти мобайнида икки ҳамюртимиз Жаҳонгир Жумаев ҳамда Баҳромжон Машрабов билан тўқнаш келган ва ҳар иккисини мағлуб этганлиги билан ўзбекистонлик мухлислар ёдида қолганди.
Ушбу жанг ярим ўрта вазн (77,1 кг) тоифасида ўтказилади.
Маълумот учун, Есенгуловнинг рекорди 5-0 кўриниш олган бўлса, Шоҳасан Мирзаматовнинг кўрсаткичи 9-1 га тенг.