Шоҳжаҳон Эргашев 21 сентябрь куни жанг қилади

Профессионал боксда енгилмай келаётган чарм қўлқоп устаси Шоҳжаҳон Эргашев ўзининг навбатдаги жангини жорий йилнинг 21 сентябрь куни Санкт-Петербург шаҳрида ўтказади.

Боксчимизнинг Sports.uz интернет порталига берган хабарига кўра, айни дамда, мазкур жангни уюштираётган промоутер Зяки Юнусов унга муносиб рақиб қидирмоқда. Шунингдек, кечада Ш.Эргашевнинг шогирди Баҳром Фозилов ҳам рингга кўтарилади. Енгилмас боксчимизнинг 19 жанги Россиянинг "Матч ТВ", "Бокс тв" ҳамда юртимизнинг "Спорт" канали орқали жонли тарзда кўрсатилиши режалаштирилмоқда.

Шоҳжаҳон Эргашев профессионал боксда бугунга қадар 18та жангда рингга кўтарилган бўлиб, уларнинг 16 тасида рақибларини нокаутга учратган бўлса, икки баҳсда очколар ҳисобида ғалаба қозонган. Метин ҳимоя ва кучли зарбага эга бўлган чарм қўлқоп устамиз, ўзининг сўнгги жангини жорий йилнинг 17 январь (Тошкент вақти билан 18 январь) куни мексикалик Адриан Эстреллага қарши ўтказган. 10 раунд этиб белгиланган мазкур беллашувда енгилмас боксчимиз рақибини дастлабки раундда нокаутга учратган.