Шоҳжаҳон Эргашев кейинги жангини апрель ойида ўтказади

  • 19 февраль, 2018, 11:24
  • 0
  • Бокс

Профессионал рингда муваффақиятли фаолият олиб бораётган ва мағлубиятсиз серияларини давом эттираётган Шоҳжаҳон Эргашев (12-0, КО12) ўзининг навбатдаги жангини ҳам АҚШда ўтказади.

28 апрель кунига белгиланган жанг Нью-Йоркда бўлиб ўтади. Бироқ ҳозирча мазкур тўқнашувда унга ким рақиб бўлиши номаълум.

Эслатиб ўтамиз, 13 февраль куни боксчимиз АҚШнинг Детройт шаҳрига янги жангга тайёргарлик кўриш мақсадида йўл олган эди.

У сўнгги марта жорий йилнинг 12 январь куни рингга кўтарилиб, енгилмас  америкалик Сони Фредриксонни (19-1-0, КО12) техник нокаутга учраган. Мазкур ғалабадан сўнг Бутунжаҳон бокс уюшмаси (WBА)нинг рейтингида 12-поғонага кўтарилиб олишга муваффақ бўлди.

Фикрлар

Фикр қолдириш учун авторизациядан ўтинг!