Shomurodov jamoadoshi "Roma"ning azaliy raqibiga o‘tdi

Ispaniyalik hujumchi Pedro Rodriges rasman "Latsio" a’zosiga aylandi. Bu haqda rimliklar matbuot xizmati xabar tarqatdi. 

Pedro Rim klubiga tekinga kelib qo‘shildi. Rodriges "bo‘rilar"ning yangi murabbiyi Joze Mourino rejalariga kirmayotgan edi. Forvard yangi klubida 9-raqamda harakat qiladi.

2020/21 yilgi mavsumda Pedro "A" Seriyada 5ta gol urib, 2ta golga assistentlik qilgandi. Qolaversa, Evropa ligasida ham o‘z nomiga bitta gol va 2ta assist yozdirib qo‘ygan.