Шомуродов Ўзбекистоннинг Португалия ва Колумбияга қарши ўйинлардаги имкониятларини баҳолади

Ўзбекистон миллий терма жамоаси ҳужумчиси Элдор Шомуродов россиялик машҳур собиқ футболчилар Андрей Аршавин ҳамда Владислав Радимов билан бўлган суҳбатда Жаҳон чемпионати гуруҳ босқичида тўқнаш келадиган Португалия ҳамда Колумбияга қарши ўйинлар ҳақида гапирди.

"Биз бу каби кучли терма жамоаларга аниқ ютқазамиз демаган бўлардим. Мен ўз кучимизни ҳам, кимга қарши ўйнашимизни ҳам жуда яхши биламан. Агар истасак, қандайдир натижага эриша оламиз."

Ҳозир Ўзбекистон ва Россия жамоалари ўйнаса, ким ғалаба қозонади?

"Мен ушбу тўқнашувда юта олишимизга ишонаман. Оптимал таркибимиз бўлса, менимча Россияни мағлуб эта оламиз", — деди футболчи.