Шомуродов тарк этган "Ростов" йирик ҳисобда ғалаба қозонди

Россия Премьер-лигаси 11-туридан ўрин олган учрашувда "Ростов" ўз майдонида "Ахмат" клубига қарши ўйин ўтказди ва 3:0 ҳисобида ғалаба қозонди.

24-дақиқада қитъадошимиз Кэнто Хашимото ҳисобни очди. Биринчи бўлим сўнгида ҳакам мезбонлар дарвозаси томон пенальти белгилади. 11 метрлик нуқтадан зарба берган Мелкадзенинг уринишини дарвозабон қайтарди. Ростовликлар бош ҳакам томонидан асосий вақтга қўшиб берилган дақиқаларда яна иккита тўп киритиб, ҳисобни йирик кўринишга келтирди.

Ушбу ўйиндан сўнг, "Ростов" турнир жадвалининг 5-поғонасида жойлашган бўлса, "Ахмат" 10-ўринни эгаллаб турибди.