Шомуродов тўлиқ ўйнаган баҳсда "Женоа" Бергамодан очко билан қайтди

Италия чемпионатининг 18-туридан ўрин олган "Аталанта" ва "Женоа" ўртасидаги ўйин якунланди. Мазкур баҳсда жамоалар 0:0 ҳисобида дуранг ўйнади.

Ҳамюртимиз Элдор Шомуродов ўйинни асосий таркибда бошлаб, тўлиқ 90 дақиқа ҳаракат қилди.

Ушбу ўйиндан кейин Генуя клуби очколар сонини 15тага етказиб, вақтинча 16-ўринга кўтарилиб олди.

• 90+5'
  

  Учрашув якунланди. Матнли трансляция Жалолиддин Қобилжонов томонидан олиб борилди!

• 90+4'

  Генуяликлар сўнгги дақиқаларни бутун жамоа бўлиб ҳимояда ўтказмоқда.

• 90+2'

  Шомуродов ўз жарима майдони ичида рақиб ҳужумини қайтарди.

• 90'
  

  Ўйиннинг асосий вақтига 5 дақиқа қўшиб берилди.

• 87'

  Малиновский жарима майдони ичидаги шеригини тўп билан таъминлади. Бироқ ҳимоячилар хавфни бартараф этди.

• 84'
  

  Робин Госенсга сариқ карточка кўрсатилди

• 80'

  Заппакоста ўрнига Жером Онгюэн туширилди

• 78'

  Муриэль қоида бузди

• 76'

  Госенснинг зарбасини Перин қайтарди

• 75'

  Муриэль жаримадан йўллаган зарбаси дарвозанинг тепасидан ўтиб кетди

• 72'
  

  Эдоардо Голданига огоҳлантирилди

• 67'
  

  Пьяца майдонни тарк этди. Унинг ўрнига Пандев туширилд

• 65'
  

  "Аталанта" сафида ўзгариш. Миранчук майдонга тушди. Гасперини Малиновскийни захирага олди

• 64'

  ВУУУУҲ! Хатебурнинг кучли зарбаси дарвоза тўсинига тегиб қайтди

• 62'

  Ремо Фройлер жарима майдонига тўпни узатди, ҳимоячилар қайтариб юборди

• 56'
  

  Гасперинидан ҳам жавоб. Сапатани майдондан олди, унинг ўрнига Муриэль туширилди

• 55'
  

  Балардини яна бир ўзгаришни амалга оширди: Стротман ўрнини Бехрами эгаллади

• 55'
  

  "Женоа"да ўзгариш: Мазьелло  ўрнига Голданига тушди

• 52'

  Ўйин темпи бироз пасайди

• 50'

  Шомуродов бир футболчидан ўтди, бироқ кейинги ҳимоячи уни тўпсизлантирди

• 48'

  Хатебур яхши имкониятга чиқиб борганди, ҳимоячилар ишончли ўйнади

• 46'
  

  "Женоа" иккинчи бўлимни ўзгариш билан бошлади. Зайц ўрнига Лерагер туширилди

• 46'

  Иккинчи тайм бошланди

• 45'

  Иккинчи бўлим бошланиш арафасида

• 45'
  

  Биринчи бўлим якунланди. Ҳозирча ҳисоб 0:0.

• 43'

  "Аталанта" футболчисининг кучли зарбаси ҳимоячига тегиб қайтди

• 40'

  ВААААҲ! Элдор ва Зайц ажойиб комбинация амалга оширди. Сўнгги паллади Шома дарвоза томон зарба йўллади. "Аталанта" посбонидан сейв!

• 38'

  Иличич жарима майдонига кириб борди ва айланма зарба йўллади. Анча ноаниқ

• 36'

  Генуя клуби ҳимоячилари бугун ишончли ҳаракат қилмоқда

• 31'

  "Аталанта" тўп назоратини ўз қўлига олди

• 29'

  Сапатанинг аниқ зарбасини Перин эгаллаб олди

• 28'

  Иличичга нисбатан навбатдаги қоида бузарлик ишлатилди

• 27'

  Шомуродов ва Чибора бир-бирини тушунмай қолди

• 25'

  ВАААҲ! "Женоа" футболчиси рақиб жарима майдони ичига пас берди, Шома бироз улгурмай қолди

• 22'

  "Аталанта" бурчак тўпидан унумли фойдалана олмади

• 19'

  Иличичнинг зарбаси анча ноаниқ чиқди

• 14'

  "Женоа" тезкор ҳужум уюштирди. Пьяцанинг зарбаси бироз кучсиз чиқди

• 14'

  Стандартдан узатилган тўпни Перин қайтариб юборди

• 13'

  "Аталанта"да яхши имконият бўлиши мумкин. Строотман жарима майдони яқинида фол ишлатди

• 11'

  Шомуродовга нисбатан қўполлик ишлатилди

• 10'

  Заппакостанинг узатмасиин ҳимоячилар қайтарди

• 7'

  ЗАРБАААА! Шомуродов узатмани қабул қилиб олиб, кучли зарба йўллади. Афсус, ноаниқ

• 4'

  Малиновски қоида бузди

• 2'

  ВУУУҲ! Пьяца дастлабки дақиқаларданоқ хавфли зарба йўллашга эришди, бироз ноаниқ

• 1'
  

  Учрашувга старт берилди

• 0'

  Италия супери ул “Aталанта”,
  "Женоа"дан, тўғри, анча баландда.
  Aммо Генуяда ўйнайди Элдор,
  У бор жойда кўрдик - албатта гол бор.

  Зўрсан, антиқасан эй Гасперини,
  Қарши ҳужум пайти кўрамиз сени:
  Элдорнинг рейдига тишинг ўтарму,
  Госенсу Жимсити кучи етарму?

  Бергамо маскани, ажойиб ўйин,
  Рақиб даҳшатлидир, уч очко қийин.
  Лекин Элдор учун умиддамисиз?!
  ... Ия, сиз ҳалиям "Энфилд"дамисиз?)

  Хайрулла Ҳамидов

• 0'

  Ассалому алайкум қадрли футбол мухлислари. Бироздан сўнг "А" Сериянинг 18-туридан ўрин олган "Аталанта" ва "Женоа" жамоалари ўртасидаги ўйин бошланади. Сизлар билан ушбу баҳсни камина, Жалолиддин Қобилжонов биргаликда кузатиб боради.