Шомуродовни "Барселона"га қарши ўйин кутмоқда!

“Рома”нинг мавсумолди дастури келаси ҳафтада тасдиқланади. Дастлаб, жамоа аъзолари 4 июль куни Тригорияда (Рим) жамланади ва шундан сўнг Португалиянинг Алгарве шаҳрига йўл олади.

Дастлабки кунларда “Рома” шу жойнинг қуйи лига жамоалари билан ўртоқлик ўйинлари ўтказади. Шундан сўнг римликлар "Спортинг" ва "Ница" клубларига қарши назорат учрашуви ўтказишлари кутилмоқда.

"Рома" Португалияда 24 июлгача қолади, сўнгра 30 июлда Хайфада (Исроил) "Тоттенхэм" ва 6 август куни Жоан Гампер кубогида "Барселона"га қарши ўйнайди.

Ниҳоят, август ойида, яъни чемпионат бошланиши арафасида "Фрозиноне"га қарши назорат ўйини ўтказилади.

Эслатиб ўтамиз, Жозе Моуриньо бошқарувидаги “Рома” ўтган мавсум А Серияда 6-ўринни эгаллади ва янги мавсумда УЕФА Европа лигасида иштирок этиш ҳуқуқини қўлга киритди.