Шомуродовни қимматроқ нархга трансфер қилиш мумкин эди!

Футболчилик фаолияти даврида ростовликлар таркибида тўп сурган, кейинчалик жамоада узоқ йиллар мураббийлар штабида ишлаган ва бош мураббийлик қилган россиялик мутахассис Сергей Балахнин ўзбекистонлик ҳужумчи Элдор Шомуродовнинг “Женоа”га трансфери бўйича ўз фикр-мулоҳазаларини билдирди.

large_69

- “Ростов”нинг ўзбек форварди Элдор Шомуродовни сотиб юбориши тўғри қадам бўлди, чунки вазият шунга етиб келганди. Агар ростовликлар ҳужумчини эртароқ қўйиб юборганида, трансфер суммаси бундан ҳам баланд бўлиши мумкин эди. Бироқ, “Ростов” Еврокубокларда муваффақиятли иштирок этиш учун асосий ҳужумчи сифатида Элдорни ушлаб турди (Валерий Карпиннинг бу қарори қисман ўзини оқлади ва Элдор Шомуродов Европа Лигасидаги илк учрашувда “Маккаби Хайфа” дарвозасини ишғол қилди). Барибир жамоа Европа Лигасини эрта тарк этди ва “Ростов”нинг халқаро майдондаги иштироки тўхтади. Умуман олганда, Шомуродовнинг трансфери мантиқан тўғри қарор бўлди.

Энди “Ростов” кўпроқ гол уриш масаласини ҳал қилиши керак. Вазиятдан чиқиш йўлини қидириб топиш лозим. Шомуродовнинг ўзи ҳам премьер-лигада анчадан буён гол ура олмаётган эди. У кетганидан кейин жамоада ишонч оқлай оладиган ҳужумчи қолмади, ҳисоб. “Ростов” тўпурар ҳужумчи қидиришда давом этиши керак. Қидирганда ҳам, битта ҳужумчини олиш билан чекланиб бўлмайди. Ҳа, улар Владимир Обуховни трансфер қилди. Обухов ҳам эътибордаги футболчи, лекин унинг гол уриш бўйича натижалари ҳам етарли эмас. “Ростов” ҳақиқий тўпурарга муҳтож. Шомуродов тинимсиз гол урган пайтларда “Ростов” кучли жамоадан кўринарди, - деди Балахнин.

Маълумки, Элдор Шомуродов ўтган чемпионатнинг биринчи ярмида кўп гол урди ва нафақат Россия грандлари, балки Европа кули бешлик чемпионатларидаги клублар эътиборини ўзига жалб қила бошлади. Ўтган мавсумда ўзбекистонлик ҳужумчига Ла Лигадан “Сельта”, Бундеслигадан “Штутгарт” ва “Шальке” жиддий қизиқиш билдирган эди. Шомуродовнинг агенти Герман Ткаченко  Элдорни сўраган “Сельта”га бошқа бир мижози – Фёдор Смоловни юборишга қарор қилган бўлса, Германия клублари Шомуродов трансфери учун бонусларни қўшиб ҳисоблаганда 10 миллиондан 15 миллион еврогача бўлган суммани ваъда қилганди. Бироқ, аввалига “Ростов” рози бўлмади, кейинчалик коронавирус пандемияси туфайли трансфер бозори талаб ва таклифлари буткул ўзгариб кетди.

Пандемия карантинидан кейин Элдор спорт формасидан чиқиб кетди ва чемпионат ўйинларида гол ура олмай қолди. Шунга қарамай, хориж клубларидан таклиф кела бошлади. Европа Чемпионлар лигасининг янги мавсумига тайёргарлик кўраётган Бельгия вице-чемпиони “Гент”дан таклиф бўлди. “Ростов” раҳбарияти беш миллион евролик расмий таклифни қабул қилмади.

v-dzhenoa-podtverdili-predstojaschij-transfer-eldora-shomurodova_16014769751877415246

Ёзги трансфер ойнаси ёпилишига бир неча кун қолган бир пайтда, Элдор Шомуродовга бир неча клуб оғиз сола бошлади. “Женоа” расмий чорлов юборганидан кейин “Сельта”, “Штутгарт”, “Фиорентина” ва “Верона” каби клублар ҳам ҳужумчимизни олиш ҳаракатига тушиб қолди. “Женоа” саккиз миллион евролик биринчи таклифига яна бир миллион қўшиш, Элдорнинг навбатдаги трансферидан 15 фоиз улуш ваъда қилиш ва трансфер суммасининг биринчи тўловини ошириш эвазига “Ростов”нинг розилигини олишга эришди.

Айни пайтда Элдор Шомуродов “Женоа” билан тўрт йиллик шартнома имзолаб бўлган. У янги жамоасида 9-рақамда тўп суради.  Тез орада “Женоа” ўзбекистонлик футболчини олганини расман эълон қилиши кутилмоқда.

“Женоа” Шомуродовга рақобатчи олиб келди

Шомуродов “Женоа” билан шартнома имзолади ва қачон дебют қилиши аниқ бўлди

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар