Шомуродовнинг устози Гвардиоладан зўр!

Германия терма жамоаси ва “Ливерпуль”нинг собиқ юлдузи Дитмар Хаманн “Манчестер Сити” бош мураббийи Хосеп Гвардиоладан зўр мураббийлар борлигини айтди.

Яқинда “Ливерпуль”нинг ҳозирги мураббийи Юрген Клопп испаниялик мутахассиснинг дунёда энг зўри эканини таъкидлаган эди.

- Мен клубга хизмат қилиш нуқтаи назаридан Юрген Клопп Гвардиоладан устун эканига аминман. Аслида испаниялик мураббийдан зўр бўлган учта мутахассис бор. Клоппдан ташқари,  “Рома”ни бошқараётган Жозе Моуриньо ва “Реал” устози Карло Анчелотти. Нега Гвардиола атрофида бунча шов-шувлигини тушунмайман, - деди Дитмар Хаманн.

Хосеп Гвардиола юқорида номи келтирилган мутахассислардан фарқли рақишда Европанинг энг нуфузли мусобақаси – Европа Чемпионлар лигасида ғолиб чиқмаган.

Моуриньога Англиядаги юлдуз керак

“Астон Вилла”нинг бразилиялик ярим ҳимоячиси Дуглас Луис ёзги трансферлар вақтида Италия чемпионатига кўчиб ўтиши кутилмоқда.

Calciomercato нашрининг хабар беришича, 23 ёшли футболчига “Рома”дан жиддий қизиқиш бор. Бу ўйинчини “бўрилар” бош мураббийи Жозе Моуриньо шахсан ўз жамоасида кўрмоқчи.

Кейинги пайтда португалиялик мутахассис майдон марказидаги ўйинчиларнинг ҳаракатидан қониқмаяпти. Моуриньо ёзда юқори савияли ижрочиларни олиб келишни мақсад қилган. Дуглас Луис айнан Моуриньо истаган ўйинчилардан.

Шундай бўлса-да, “Рома” бу футболчини трансфер қилиш учун яхшигина харажат қилишига тўғри келади. Трансферларга ихтисослашган transfermarkt портали бразилиялик ярим ҳимоячини 35 миллион еврога баҳоламоқда.

Луис “Васко Да Гама” клуби тарбияланувчиси ҳисобланади. 2017 йили Европага олиб келинганидан кейин “Манчестер Сити” ва “Жирона” клублари шарафини ҳимоя қилган. 2019 йилдан бери “Астон Вилла”да тўп тепмоқда.

Дуглас жорий мавсумда премьер-лигада 27 та учрашувда майдонга тушиб, битта гол уришга эришди ва жамоадошларини уч марта голли пас билан таъминлади.

“Рома” ҳужумчисига учта таклиф бор

“Барселона” тарбияланувчиси ҳисобланган Кардес Переснинг “Рома”да омади юришмаяпти. 24 ёшли ҳужумчи Жозе Моуриньони ўз маҳоратига ишонтира олгани йўқ. Бу футболчи ҳам худди Элдор Шомуродов сингари асосий вақтини захирада ўтказмоқда.

Карлес Перес жуда катта мактабни ўтаган. Ҳар ҳолда “Барселона” тарбиясини олган ўйинчи бошқа клублар эътиборидан четда қолиб кетмайди. Гарчи испан ҳужумчининг “бўрилар” сафида омади чопмаётган бўлса-да, унга бир неча мамлакат чемпионатларидан таклиф бўлмоқда.

Хусусан, “Рома”га у қадар керак бўлмаётган ҳужумчига Италиянинг ўзидан “Верона” жиддий қизиқиш билдирмоқда.

Бундан ташқари, Перес кучли бешликнинг бошқа лигалариа кўчиб ўтиш имконига эга. Уни Испания чемпионатининг кучли вакилларидан “Валенсия” ўз сафига чорламоқда. Бундеслигадан “Байер” анчадан бери испан ҳужумчисини олишга ҳаракат қилмоқда.

“Рома” бу футболчи билан 2024 йилнинг 30 июнигача шартнома тузган. Пойтахтликлар бошқа ўйинчиларни олиш мақсадида Пересни сотиб юборишга тайёр. Бу футболчини олишни истаётган клублар 10 миллион евро атрофида харажат қилиши керак.

Перес жорий мавсумда А Серияда 13 марта майдонга тушиб, бирорта гол ура олмади. Бироқ унинг ҳисобида Конференциялар лигасидаги бешта ўйинда киритилган иккита гол бор.

Шомуродовни кутяпмиз!

Шомуродов прессингни боплади, лекин...

Моуриньонинг нега жаҳли чиқди ёхуд у бугун Шомуродовни ўйнатадими?

Ўзбек легионери майдонга қайтиб, ҳаммасини жой-жойига қўйиши керак!

Ўзбек футболчисини Европада эътироф этишди

“Рома”: Бу футболчи энди ўйнамайди! Моуриньо ким ҳақида гапирди?

“Рома” ҳужумчиси бўйича кутилмаган вазият юзага келди!