Шомуродовнинг устози ҳам Саудияга кетадими?

Саудия Арабистони клублари Европанинг номдор ўйинчилари қаторида машҳур мурабийларни катта маош эвазига ўз сафига жалб қила бошлади.

“Кальяри”ни ўтган мавсум якунлари бўйича А Серияга олиб чиққан Клаудио Раньеридан Саудия Арабистонига кўчиб ўтиш вариантига муносабат билдиришини сўрашди.

- Клублар миқёсидаги мураббийлик фаолиятимни айнан “Кальяри”да якунлашни истайман. Лекин мени қизиқтирган бирор терма жамоадан таклиф бўлса, бу чақирувни кўриб чиқишга тайёрман.

Саудия Арабистонига кўчиб ўтиш ҳақида сўрашяпти. Мен у ерга бормайман. Менинг футболдаги мақсадларим пул билан боғлиқ эмас, - деди Клаудио Раньери.

Таъкидлаш жоизки, Клаудио Раньери талаби билан “Кальяри” мутасаддилари “Рома”дан Элдор Шомуродовни ижарага олди. Келаси ёзда сардинияликлар ўзбек форвардини 9 миллион еврога тўлиқ трансфер қилиш имкони бор.