Шон Стриклэнд: "У биргина яхши зарбаси билан ҳар қандай рақибни ухлатиб қўяди"

Ўрта вазн тоифасида (84 кг) собиқ UFC чемпиони, америкалик Шон Стриклэнд нима учун ярим оғир вазнда (93 кг) амалдаги UFC чемпиони бразилиялик Алекс Перейрани нокаутга учратолмаслигини тушунтирди.

 “Мен Алексдан қўрқмайман, лекин иягим унинг зарбасини кўтара олмайди. У жиддийроқ хато қилсагина нокаутга учраши мумкин. Менда Перейрага кучли зарба бериш имконияти бўлганида ҳам, барибир уни нокаутга учратолмаган бўлардим. Алекс биргина яхши зарбаси билан ҳар қандай рақибни ухлатиб қўяди”, – деди Стрикленд Plinio Cruz You Tube  каналига.

Эслатиб ўтамиз, Шон Стриклэнд(29-6) 2022 йилда Алекс Перейра(11-2)га нокаут билан ютқазганди.