Шу футболчи Муҳаммад Салоҳнинг ўрнини босади

“Ливерпуль” бош мураббийи Юрген Клопп жамоа муваффақиятларини таъминлаб келаётган Муҳаммад Салоҳ ўрнини боса оладиган ўйинчи қидиряпти.

Маълумки, кўп манбалар мисрлик тўпурар ёзда Саудия Арабистонига кўчиб ўтишини таъкидлаяпти. Чунки саудияликлар таклиф қилаётган бадал пули ва маошдан клуб ҳам, футболчи ҳам юз ўгириши қийин.

Маълумотларга қараганда, ливерпулликлар Салоҳнинг ўрнига Дониэлл Моленни олиб келишни мўлжаллаяпти.

“Боруссия”да ўйнаётган футболчининг трансфер суммаси 40 миллион еврони ташкил қилади. Моленнинг дортмундликлар билан шартномаси 2026 йилнинг ёзигача туўилган.

Нидерландиялик  ўйинчи гол уришдан ташқари, ҳужум ташкил қилиш ва голли вазиятлар яратишга ҳам уста ҳисобланади.