Шу футболчи увол кетмасин! “Арсенал” ўз юлдузини суперклубларга жойламоқчи

“Арсенал” ярим ҳимоячиси Майлс Льюис-Скелли “Челси” ва “Манчестер Юнайтед” клубларига таклиф қилинди.

Ўтган мавсум охирида Льюис-Скелли ярим ҳимоячи сифатида ўзини энг яхши томондан намоён қилди. Бу ёзда эса Майлс “канонирлар”нинг ҳар бир мавсумолди учрашувида таянч ярим ҳимоячиси сифатида майдонга тушди.

Бироқ “Арсенал” яқинда “Ньюкасл”дан Бруно Гимараэсни 75 миллион фунтга сотиб олди ва Football.London нашри хабарига кўра, шундан сўнг Льюис-Скелли ўйин амалиётисиз қолиб кемаслиги учун Премьер-лиганинг бошқа клубларига, жумладан “Челси” ва “Юнайтед”га таклиф қилинди.

19 ёшли англиялик футболчи ҳар қандай жамоага нафақат ярим ҳимоячи сифатида, балки чап қанот ҳимоячиси сифатида ҳам фойда келтириши мумкин. Хусусан, “Челси”да Марк Кукурелья кетганидан кейин бу позиция бўшаб қолган, “Юнайтед” эса ҳалигача Люк Шоуга рақобат қила оладиган футболчига эга эмас.