Шу футболчини олмасак бўлмайди!

“Челси” бош мураббийи Томас Тухель орзусидаги ҳужумчи Ромелу Лукакуни қўлга киритганидан кейин клуб раҳбариятини яна бир катта трансферга кўндирмоқчи.

Германиялик мутахассис янги мавсумда унга тўпни назорат қилишда ва биринчи тўп узатишда аниқ ўйнай оладиган ҳимоячига эҳтиёж сезмоқда. Унинг таъкидлашича, Курт Зума ва Тревор Чалоба бу ишни уддалай олмайди. Тьяго Силва эса ёши катталиги боис мавсумни бир текис ўтказишига кафолат йўқ.

Томас Тухелнинг таъкидлашича, айни пайтда “Челси”ни сезиларли даражада кучайтиришга қодир ҳимоячи Жюль Кунде экан.

“Севиль” франциялик футболчини 70 миллион еврога баҳоламоқда. Бироқ уни олиш лондонликларга осон бўлмайди. Чунки, “Реал” раҳбарияти ҳам марказий ҳимояга айнан Кундени олиб келмоқчи ва бу трансфер учун тайёргарлик ишларини бошлаб юборган.