Шу иккитаси хавфли! Фермин "эл класико" олдидан "Реал"нинг икки юлдузидан қўрқяпти

«Барселона» ярим ҳимоячиси Фермин Лопес яқинлашаётган «эл класико» олдидан «Реал» таркибидан қайси футболчиларни майдонда кўришни истамаслигини айтди.

Унинг таъкидлашича, «Реал» дарвозабони Тибо Куртуа ва ҳужумчи Килиан Мбаппе рақиб жамоа учун ҳал қилувчи ўйинчилардан ҳисобланади.

«Мен майдондан Куртуа ва Мбаппени олиб қўйган бўлардим. Тибо сэйвлари билан «Реал»га жуда кўп очко олиб келади. Мбаппе эса ўйин тақдирини ўзгартириб юборади, жуда кўп гол уради. Агар имконим бўлса, иккаласини ҳам ўйинга қўймасдим», – дея Лопеснинг сўзларини Actu Foot аккаунти келтиради.

«Барселона» ва «Реал» ўртасидаги навбатдаги «эл класико» якшанба, 25 октябрь куни «Камп Ноу» стадионида бўлиб ўтади. Учрашув олдидан Ханс-Дитер Флик шогирдлари 27 очко билан Ла Лига турнир жадвалида пешқадамлик қилмоқда. Жозе Моуринью бошқарувидаги «Реал» эса 21 очко жамғарган ҳолда учинчи ўринни эгаллаб турибди.