Шунчаки шармандали кўрсаткич!

АПЛ 30-туридан ўрин олган қолдирилган учрашувда "Ливерпуль" "Манчестер Юнайтед" билан куч синашди. Ушбу баҳсда манкуниаликлар жуда ҳам кучсиз ўйин кўрсатиб, 4:0 ҳисобида мағлуб бўлди.  

"Қизил иблислар" беллашув давомида атиги 2 та зарба берди. Шулардан биттаси дарвоза томон аниқ борди. Клопп шогирдлари Де Хеа қўриқлаётган дарвозага 14 бор зарба йўллади, аниқлари эса 5 та. 

Бундан ташқари, тўп назоратида ҳам мерсисайдликлар яққол устунлик қилди - 71,6% га 28,4. Узатмалар сони "Ливерпуль"да 879 та, "Юнайтед"да эса 349 тани ташкил қилди.