Шунқор Абдурасулов: Худо хоҳласа, Абдумалик Ҳалаков билан финалда тўқнаш келсак...

  • 5 ноябрь, 2020, 11:07
  • 0
  • Бокс

"Универсал" спорт мажмуасида бокс бўйича катталар ўртасида Ўзбекистон чемпионати беллашувлари бўлиб ўтмоқда.

-60 кг вазн тоифасида чемпионатдаги иккинчи жангини қашқадарёлик Муроджон Қосимовга қарши ўтказиб, қийин ғалабани қўлга киритган Шунқор Абдурасулов жангдан сўнг, Ўзбекистон бокс федерацияси матбуот хизматига ўз фикрларини билдирди.

"Карантин сабабли анчадан буён жанг ўтказмагандим. Ана шунинг таъсири ҳисобига жангимда бироз қийналдим. Кейинги жангларимни юқори даражада ўтказишга ҳаракат қиламан. Чемпионатда кўплаб ёш боксчилар, янги номлар иштирок этмоқда. Уларни қандай жанг тушишини, услубини билмаймиз. Ёш бўлса-да, барчаси кучли. Ўз вазнимда Абдумалик Ҳалаковни кучли рақиб, деб биламан. Худо хоҳласа, у билан финалда тўқнаш келсак, ким кучли эканлигини ана ўшанда билиб оласизлар. Икки жанг ўтказдим. Энди мана шу жангларда йўл қўйган хатолардан хулоса чиқарган ҳолда, кейингилармга тайёргарлик кўрамиз".

Фикрлар

Фикр қолдириш учун авторизациядан ўтинг!