Швеция терма жамоаси ҳужумчиси рус клуби билан шартнома имзолади

Швеция терма жамоаси ҳужумчиси Маркус Берг фаолиятини Россияда давом эттирадиган бўлди.

Аниқроғи, 32 ёшли футболчи "Краснодар" билан шартнома имзолади. Бу ҳақда клуб расмий сайти хабар тарқатмоқда. Унга кўра томонлар 2020 йилга қадар тузилган битимга имзо чекишган.

Маълумот учун, Бергнинг сўнгги жамоаси БААнинг "Ал-Аин" клуби бўлган эди. У ушбу жамоада 61та ўйинда майдонга тушиб, 46та гол уришга эришган ва клуб билан амалдаги шартномаси якунлангач эркин агент сифатида этган. Рус клуби эса уни текинга ўз сафига қўшиб олди.

Маълумот учун, Берг фаолияти давомида "Гетеборг", "Гронинген", "Гамбург", ПСВ ва  "Панатинаикос" клубларида ўйнаган. Швеция терма жамоасида эса 71та ўйинда 19та гол уришга эришган.

Фикрлар

Фикр қолдириш учун авторизациядан ўтинг!