Швейцария терма жамоаси ҳужумчиси АҚШга учиб кета олмади

Швейцария терма жамоаси ва Франциянинг "Ренн" клуби ҳужумчиси Брил Эмболо АҚШда бўлиб ўтадиган Жаҳон чемпионати олдидан жамоаси билан бирга мамлакатга учиб кета олмади.

"Mundo Deportivo" нашрининг маълум қилишича, бунга футболчининг АҚШга кириш учун берилган электрон рухсатномаси қўшимча текширувдан ўтказилгани сабаб бўлган.

Шу билан бирга, 2 июнь куни эрталаб мазкур рухсатнома тасдиқланган. Айни вақтда Швейцария футбол иттифоқи АҚШ расмийлари билан тўғридан-тўғри алоқада бўлиб турибди.

Кутилишича, Эмболо терма жамоа йиғинига яқин кунларда — 2 ёки 3 июнь куни қўшилади.

Маълумот учун, Швейцария Жаҳон чемпионати гуруҳ босқичида Қатар, Босния ва Герцеговина ҳамда Канада терма жамоаларига қарши майдонга тушади.