Симеоне: "Барселона"га қарши баҳсда турли вазиятларни бошдан кечирамиз"

"Атлетико" бош мураббийи Диего Симеоне "Барселона"га қарши ўйин олдидан матбуот анжуманида иштирок этди.

- Мен клубга келганимдан буён мухлислар ҳар йили бир хил муносабатда бўлишмоқда. Улар ўйинлар давомида қўшиқ айтиб, бизга ғайритабиий куч-қувват беришди, стадионнинг қудрати жамоага мадад бўлмоқда.

Аммо эртанги кун финал эмас, балки ярим финал бўлиб, унда финалда ўйнаш ҳуқуқини қўлга киритишимиз мумкин. Бу ажойиб ўйин кўрсатаётган рақибга қарши беллашув.

- Бу жамоа учун яна юқорига кўтарилиш имконини берадими?

- Мен фақат ўз ҳис-туйғуларим ҳақида гапиряпман: биз жуда яхши мавсумни ўтказяпмиз, жамоа Чемпионлар Лигасида ажойиб кураш олиб борди ва Ла Лигада ҳам шундай қилмоқда. Биз ўйиндан-ўйинга пасайиб кетмаяпмиз.

- "Атлетико"нинг кейинги босқичга чиқиш имкониятига ишонмаётганларга нима дейсиз?

- Бу ҳурматга сазовор фикр.

Бу ўйинда турли вазиятларни бошдан кечирамиз. Рақиб устунликка эга бўлади ва биз ўтган ўйинларимизни такрорлашга ҳаракат қиламиз. Иккала томондан ҳам катта ўзгаришлар бўлади деб ўйламайман.

- Левандовскининг ўйини ҳақида фикрингиз қандай?

- У мавсумни фантастик кўрсаткичлар билан ўтказмоқда. Унинг тиришқоқлигига қойил қоламан, у ҳавас қилса арзийдиган футболчи ва ундан ўрганадиган кўп нарса бор.

- Ҳозирги вазият "Атлетико" учун биринчи ўйинга нисбатан ўзгардими? Қўрқувни қандай бошқариш керак?

- "Муваффақиятсизлик" - бу бирор нарсани қилишга уринмаслик, ҳаракат қилган одам муваффақиятсизликка учрамайди.

Мен учун мавсум жуда яхши кечмоқда, биз Қирол кубоги ярим финалига чиқдик ва ҳар бир ўйинни ўтказганимиздан сўнг, мавсумнинг ғайриоддий, яхши ёки оддий бўлганини билиб оламиз, - деди "Атлетико" бош мураббийи.

Маълумот учун, "матрасчилар" Испания кубоги ярим финал жавоб учрашуви доирасида ўз майдонида "Барселона"га қарши баҳс олиб боради. Дастлабки тўқнашувда жамоалар кучи тенг келган эди - 4:4.