Симеоне: "Биз мағлубиятга учраган бўлсак ҳам ўз йўлимизда давом этамиз"

"Атлетико" бош мураббийи Диего Симеоне Испания кубоги ярим финалида "Барселона"га қарши 0:1 ҳисобидаги мағлубиятга қарамай, жамоасининг ўйинидан қониқиш ҳосил қилганини маълум қилди.

"Жамоамиз бу мавсум жуда яхши ҳаракат қилмоқда. Чемпионлар лигасида, Испания кубогида ва Ла Лигада яхши ўйинлар ўтказяпмиз. Олдинга ҳаракат қилишда давом этамиз ва турнир жадвалининг юқори поғоналарига яқинлашиш учун кўпроқ меҳнат қиламиз."

Симеоне "Барселона"нинг ғалабасини тан олди ва рақиб ҳақида илиқ фикр билдирди:

"Биз кучли жамоага қарши 4:5 ҳисобида ютқаздик. Улар ҳақиқатан ҳам жуда яхши ўйнади ва финалга чиқишга арзийди. Биз эса жанг қилишда давом этамиз. Ҳозирча бошқа нарса ҳақида ўйламаяпман, фақат мавсумни яхши якунлаш ҳақида ўйлайман."

Шунингдек, Симеоне жамоа ривожланаётганини ва янги трансферлар ўзини оқлаётганини таъкидлади:

"Биз бир нечта юқори даражадаги футболчиларни жамоага қўшдик ва улар ўзини яхши намоён этяпти. Бугунги учрашувнинг биринчи таймида яхши ўйнамадик, лекин "Барселона" биздан фойдаланиб кета олмади. Иккинчи таймда эса жасорат билан майдонга чиқдик ва гол уришга яқин келдик" - деди аргентиналик мутахассис.