Simeone futbolchi tanlashni biladi

Myonxengladbaxning “Borussiya”sida to‘p surayotgan Denis Zakariya yozda Ispaniya La Ligasiga ko‘chib o‘tadi.

23 yoshli futbolchining ishonchli va barqaror o‘yini “Atletiko” ustozi Diego Simeonega ma’qul keldi. “Atletiko” Evropaning grand klublari nazariga tushgan Tomas Partini yozda jamoada ushlab qola olmaydi. Ganalik yarim himoyachi uchun “Arsenala”, PSJ, “Manchester Siti” va “Liverpul” 50 million evro badal pulini to‘lashga tayyor.

Simeone Partini o‘rniga aynan Zakariyani olib kelmoqchi. Bu futbolchi Bundesligada jami 84 ta o‘yin o‘tkazib, sakkizta gol va 4 ta assist muallifi bo‘ldi.