Симеоне: “Пенальти белгиланиши учун бу ҳақиқий пенальти бўлиши керак"

Диего Симеоне Чемпионлар лигаси ярим финалида “Атлетико” — “Арсенал” (1:1) учрашувидан сўнг ҳакамликдан норози бўлди.

“Пенальти белгиланиши учун бу ҳақиқий пенальти бўлиши керак. Ганцко билан Дьёкереш ўртасидаги контакт менга жуда камдек туюлди, ахир бу Чемпионлар лигаси ярим финали.

Мен омадга ишонмайман, мен самарадорликка ишонаман. Биринчи бўлим тенг ўтди. Рақиб тўп билан яхшироқ ҳаракат қилди, лекин деярли вазият яратмади. Иккинчи бўлимда эса биз яхшироқ ўйнадик. Уларнинг интенсивлиги пасайди, биз эса ташкиллашганроқ ўйнай бошладик. Биз яхшироқ ҳимояландик ва Гризманн ҳамда Лукман учун вазиятлар яратдик”, — деди Симеоне.

Маълумот учун, жамоалар ўртасидаги жавоб учрашуви 5 майдан 6 майга ўтар кечаси Лондондаги “Эмирейтс” стадионида бўлиб ўтади.