Симеоне "Реал"дан учралган мағлубият ҳақида фикр билдирди

"Атлетико" бош мураббийи Диего Симеоне "Реал"дан учралган мағлубият ҳақида фикр билдирди. 

"Матрасчилар" Чемпионлар лигаси 1/8 финалининг илк учрашувида 1:2 ҳисобида рақибга имкониятни бой берди. 

— Ушбу беллашувда тактика жуда катта роль ўйнади. Ҳар ким ўз лаҳзаларидан ўзига хос тарзда фойдаланишга ҳаракат қилди. Улар гол урган эпизодларда биз яхшироқ ҳаракат қилишимиз мумкин эди. 

— Жамоанинг асосий қаҳрамонлиги шундаки, улар таслим бўлмади ва эрта гол ўтказганимиздан сўнг ваҳимага тушишмади. Футболчиларим тўп билан муомала қилишни бошлади ва бунинг эвазига Хулиан гол урди. Шунингдек, Жулиано томонидан узатма бўлган эпизодда Лино ҳужумни якунлай олмади.