Singapurga qarshi o‘yinda ikki futbolchimiz jarohat oldi

Xabaringiz bor, kecha O‘zbekiston terma jamoasi JCh-2022 saralash bosqichidan o‘rin olgan Singapurga qarshi o‘yinda maydonga tushib, yirik 5:0 hisobida g‘alaba qozondi.

Uchrashuvni asosiy tarkibda boshlagan himoyachi Husniddin Aliqulov birinchi bo‘lim so‘ngida jarohat olib, o‘z o‘rnini Xojiakbar Alijonovga bo‘shatib berdi. Qolaversa, ikkinchi taymda maydonga tushgan Xojimat Erkinov oyog‘ini qayirib oldi va bahsni davom ettira olmadi.

Hozircha ikki futbolchimizning jarohatlari qanchalik jiddiyligi borasida rasmiy ma’lumotlar yo‘q.

Ma’lumot uchun, O‘zbekiston terma jamoasi navbatdagi bahsni 11 iyun kuni Yaman termasiga qarshi o‘tkazadi. Uchrashuv Toshkent vaqti bilan 23:00da boshlanishi rejalashtirilgan.