"Сити" Франциядан ярим ҳимоячи олиб келмоқчи

Раян Шерки фаолиятини АПЛда давом эттириши мумкин.

"Лион"нинг 21 ёшли ҳужумчисига "Манчестер Сити" қизиқиш билдирмоқда. Маълумотларга кўра, унинг шартномасида футболчини 20-25 миллион фунт стерлинг эвазига сотиб олиш имконияти кўрсатилган бўлиб, бунинг учун товон пули тўланиши лозим.

Футболчининг француз клуби билан тузилган амалдаги шартномаси 2026 йил июнигача мўлжалланган.

Якунига етган мавсумда Раян Шерки барча мусобақаларда 44 та ўйинда иштирок этиб, 12 та гол урган ва 20 та голли узатмани амалга оширган.