“Сити” ҳимояси кучайтирилади. Нишон – Испания терма жамоаси футболчиси

“Манчестер Сити” трансфер бозорида таркибни кучайтириш ишларини олиб бормоқда. AS нашри хабар беришича, Англия Премьер-лигаси гранди янги ўнг қанот ҳимоячисини сотиб олмоқчи. Бу позиция жамоадаги энг муаммоли нуқталардан бири ҳисобланади.

Манба маълумотига кўра, “Манчестер Сити” режасини амалга ошириш учун аллақачон “Тоттенхэм Хотспур” билан испаниялик ҳимоячи Педро Порро бўйича алоқаларни бошлаган.

“Шаҳарликлар” Испания миллий терма жамоаси сафида жаҳон чемпионатига йўл олган футболчи билан мусобақа бошланишидан олдин келишувга эришишни истамоқда.

“Тоттенхэм Хотспур” ҳозирча Педро Порро билан шартномани узайтириш бўйича келишувга эриша олмаган. Унинг амалдаги меҳнат шартномаси 2030 йил ўртасигача амал қилади. “Шпорлар” испаниялик футболчи учун 50 миллион фунт стерлинг (қарийб 58 миллион евро) нарх белгилаган.