"Сити" Кулибали учун ўз ҳимоячисини бермоқчи

"Наполи" ҳимоячиси Калиду Кулибали анча вақтдан бери "Манчестер Сити" қизиқишлари доирасида бўлиб турибди.

"Шаҳарликлар" сенегаллик фулбек учун сўралаётган 80 млн евро миқдоридаги маблағни тўлашга бироз қийналмоқда. Боиси, улар шу вақтгача 2 та футболчи харид қилди. Шу сабабли, "Сити" раҳбарлари неаполликларга ўз ҳимоячиси Александр Зинченко ҳамда маълум миқдорда пул таклиф этмоқчи. Буни украиналик футболчининг агенти Алан Прудников ҳам тасдиқлади:

"Зинченко Кулибалининг трансферига қўшилиши мумкин. Чунки мижозимга неаполликлар қизиқиш билдирган. Фақат бунинг учун улар Кулибалининг агенти билан ҳам келишиши керак".