"Сити" қишда футболчи сотиб оладими? Гвардиола жавоб берди

"Манчестер Сити" бош мураббийи Пеп Гвардиола жамоасининг қишки трансфер ойнасидаги позициясини маълум қилди.

"Кучайтиришимиз керак бўлган нуқтани кўрмаяпман. Ўйлайманки, "Сити" мавсумни шу таркиб билан якунлайди. Бошқа фикрга ўрин йўқ. Ҳали бирорта футболчини сотиб олишни муҳокама ҳам қилмадик",-дея мутахассис сўзларини келтирмоқда "шаҳарликлар" матбуот хизмати.

Манчестерликлар айни пайтда Англия Премьер лигаси турнир жадвалида 2-поғонада бормоқда. Пеп шогирдлари пешқадам "Арсенал"дан 5 очкога ортда қоляпти.