"Сити" ва Гюндоган ўртасидаги янги шартнома қанча муддатга тузилади?

"Манчестер Сити" раҳбарияти 2016 йилдан бери жамоа шарафини ҳимоя қилиб келаётган ярим ҳимоячи Илкай Гюндоганни ўз сафида сақлаб қолмоқчи. Журналист Николо Скиранинг хабар беришича, томонлар янги шартнома борасида музокаралар олиб боришмоқда.

Манбага кўра, "шаҳарликлар" германиялик футболчи билан 2025 йилгача шартнома имзолайди.

Айтиш керакки, айни дамда Гюндоган 32 ёшда, аммо шунга қарамай Илкай ҳамон «Манчестер Сити»нинг асосий ўйинчиларидан бири ҳисобланади.

Гюндоганнинг амалдаги шартномаси 2023 йилнинг ёзида якунига етади. Шу боис унга "Барселона"дан қизиқишлар бўлмоқда.