“Сити” юлдузи клубдан кетишини тасдиқлади

“Манчестер Сити” сардори Бернарду Силва клубни тарк этганидан кейин ҳам уни қўллаб-қувватлашда ва унга мухлислик қилишда давом этишини айтди.

2017 йлдан бери клубда фаолият юритаётган португалиялик футболчининг “шаҳарликлар” билан хайрлашуви яқин орада содир бўлиши кутиляпти. Жорий мавсум охирида унинг шартномаси тугайди.

- Мен манчестерлик эмасман, аммо бу ерда тўққиз йил яшаганим учун ўзимни қисман манчестерликдек ҳис қиламан. Кетганимдан кейин ҳам клубни қўллаб-қувватлашда давом этишимни айта оламан.

Мен ўзимни клубнинг бир қисми, оддий ўйинчи эмас, балки мухлислардан бири, деб ҳис қиламан. Шунинг учун сардорлик боғичи мен учун алоҳида шараф.

Айнан шу ерда мен рафиқам билан танишдим, шу ерда биринчи қизим катта бўлди. Ҳатто 60 ёшимда ҳам бу шаҳарни ҳаётимнинг энг муҳим ва бахтли босқичи сифатида эслайман, - деди Бернарду Силва.