“Сити”га келиш учун жуда кўп меҳнат қилдим

“Манчестер Сити”нинг янги ҳужумчиси Илиман Ндиайе “Эвертон”дан трансфер қилиниши ҳақида фикр билдирди.

- “Манчестер Сити”да ўйнаш масаласида қарор қабул қилиш жуда осон. Клубнинг сўнгги тарихига қарашнинг ўзи кифоя – албатта, бу лойиҳанинг бир қисми бўлишни хоҳлайсан. Менга биз қандай мақсадларга эриша олишимиз, таркибда мен билан биргаликда нималарга эришишимиз мумкинлиги ҳақида айтишди ва бу менга бошиданоқ қизиқ бўлди. Менга “Манчестер Сити”га ўтишдан бошқа ҳеч нарса керак эмасди.

Аёнки, ушбу янги лойиҳанинг бир қисми бўлишни хоҳлайсан. Мен клубнинг сўнгги вақтларда нималарга эришганини кўрдим ва бу жамоага жуда яхши мослаша олишимни ҳис қиляпман.

Янги босқични бошлашдан ниҳоятда хурсандман. Бу ажойиб лаҳза. Бу ерга етиб келиш учун жуда кўп меҳнат қилдим ва бу имкониятдан ниҳоятда хурсандман ҳамда миннатдорман, - деди Ндиайе.

Энди Ндиайе “Манчестер Сити”га ўтганидан сўнг ўз мақсад ва амбициялари ҳақида гапирди. Унинг сўзларига кўра, улар оддий ва тушунарли. Аввало, футболчи жорий мавсумда ҳам, келажакда ҳам клубга янада кўпроқ совринларни қўлга киритишда ёрдам беришни хоҳлайди.

26 ёшли футболчи билан шартнома 2031 йилгача мўлжалланган.