"Сити"га қарши баҳсга 1 ҳафта қолганида "Реал" катта йўқотишга учради

"Реал" ярим ҳимоячиси Карлос Каземиро келаётган ўйинларда жамоасига ёрдам бера олмаслиги мумкин.

Маълум бўлишича, бразилиялик футболчи мушакларида оғриқ сезмоқда. Шу сабаб у Ла Лига доирасидаги "Осасуна"га қарши беллашувда клубга ёрдам бера олмайди.

Журналист Хосе Луис Санчес Каземиронинг ЕЧЛ ярим финалидан ўрин олган "Манчестер Сити"га қарши учрашувда ҳам қатнаша олмаслигини айтмоқда. 30 ёшли хавбек жорий мавсум "қаймоқранглилар" сафида 42 та ўйин ўтказиб, 1 гол ва 3 ассист муаллифига айланди.

"Манчестер Сити" - "Реал" ўйини 26-дан 27 апрелга ўтар кечаси 00:00 да бошланади.