Скалони Мессини хайрлашув ўйини ўтказишга қандай кўндирганини айтди

Аргентина терма жамоаси бош мураббийи Лионель Скалонининг айтишича, у Лионель Мессини октябрь ойида хайрлашув ўйинини ўтказишга кўндириш учун анча вақт ҳаракат қилган.

39 ёшли ҳужумчининг миллий жамоа сафидаги сўнгги ўйини 6 октябрь куни Буэнос-Айресда бўлиб ўтади. «Альбиселесте»нинг рақиби Бенин терма жамоаси бўлади.

«Бундай даражадаги футболчи шундай ўйинга албатта лойиқ. Шахсан мен қўлимдан келган барча ишни қилдим. Ҳаммамиз унинг қандай синовлардан ўтганини биламиз, шунга қарамай, у маҳаллий мухлислар билан хайрлашишни жуда истади. Биз айнан ҳозир унга ҳурматимиз ва миннатдорчилигимизни кўрсатишимиз кераклигини яхши тушунамиз. У қолдирган мерос абадий қолади. Мен у билан суҳбатлашдим ва бу ўйинни яқин вақт ичида ўтказиш зарурлигини тушунтиришга ҳаракат қилдим, чунки кейин нима бўлишини ҳеч ким билмайди», – дея Скалонининг сўзларини All About Argentina нашри келтиради.

Лионель Месси Аргентина терма жамоаси таркибида 207 ўйинда майдонга тушиб, 125 та гол урган.