Скоулз МЮга германиялик футболчини олиб келишни таклиф қилмоқда

"Манчестер Юнайтед" афсонаси, ҳозирда футбол эксперти сифатида фаолият юритаётган Поль Скоулз "қизил иблислар" Месут Ўзилни сотиб олиши кераклигини таклиф қилмоқда.

"Ҳозирги МЮ бир-бирини умуман танимайдиган нотаниш гуруҳдай тасаввур уйғотмоқда. Чизиқларни боғлайдиган футболчилар ва ақлли паслар умуман йўқ.

"Манчестер Юнайтед" бу муаммоларни ҳал қилиши мумкин бўлган футболчи харид қилиши керак, масалан Месут Ўзил. У жуда ақлли паслар бериши ва чизиқларни ўзаро боғловчи вазифасини бажариб бериши мумкин. Бу улар учун энг қисқа вақтда муаммоларни ҳал қилиш йўли," - дейди Скоулз.

Эслатиб ўтамиз, Месут Ўзил "Арсенал" қайдномасига сўнгги беш ўйиндан буён киритилмаяпти.