Слот: "Ҳимояни кучайтириш ҳужумдан воз кечиш дегани эмас"

"Ливерпуль" бош мураббийи Арне Слот жамоа ёрқин ҳужумкор ўйиндан воз кечиб, ҳимояда ишончлироқ ҳаракат қилаётгани ҳақидаги саволга жавоб берди.

"Мен мураббий сифатида ўзгарганим йўқ. Агар ҳимоя нуқтаи назаридан мумкин бўлганида, мамнуният билан саккизта ҳужумчи билан ўйнаган бўлардим. Аммо агар ўша саккиз ҳужумчи етарлича ҳимояланмаса, ўйинда ғалаба қозониш жуда қийин.

Сизнингча, биз кўпроқ гол ўтказган пайтларда кўпроқ голли вазиятлар яратганмизми? Қизиқ, бу ростдан ҳам шундайми?

Айтганимдек, мен ҳозиргидан беш баробар кўпроқ имконият яратишни ва бир вақтнинг ўзида рақибга умуман имконият бермасликни истайман.

Аммо шуни ҳам биламанки, олдинроқ биз бошқача таркибда ёки очиқроқ ўйнаган пайтларимизда, менимча, унчалик кўп қўшимча имконият яратмаганмиз, аксинча, жуда кўп гол ўтказиб юборганмиз. Афсуски, ҳозир биз рақибга унчалик кўп вазият бермаяпмиз, аммо голлар нуқтаи назаридан қараганда, эҳтимол, барибир кам эмас", — деди "Ливерпуль" бош мураббийи.