Собиқ UFС жангчисига Россия промоушени 250 минг доллар таклиф қилмоқчи

Собиқ UFC жангчиси кубалик Йоль Ромеро Россиядаги “Fight Night” промоушенида фаолиятини давом эттириши мумкин. Бу ҳақда ташкилот раҳбари Комил Гажиев айтиб ўтди.

“Шубҳасиз, биз у билан музокара олиб бормоқдамиз, лекин унга биргина биз алоқага чиқдик, деб айта олмайман. Ўйлайманки, кўплаб лигалар у билан музокара олиб бормоқда. Бизда устунлик борми? Эҳтимол, бордир. Барчаси пулга боғлиқ бўлади. Менимча, 250 минг доллар Ромеро учун ҳақли гонорар бўларди”, - деди Гажиев.

Aввалроқ, Йоль Ромеро UFCни тарк этгани ва шартномани бекор қилгани маълум қилинганди. 43 ёшли жангчининг кетма-кет учта мағлубияти Дана Уайтнинг шундай қарорга келишига сабаб бўлди. Унинг профессионал рекорди - 13 ғалаба ва 5 мағлубиятдан иборат.