Сон: “Эмерсон, Неймар мени танийдими?”

"Тоттенхэм" ҳимоячиси Эмерсон Жанубий Корея - Бразилия учрашувидан кейин кулгили воқеани айтиб берди.

“Сон Хён Мин ҳар доимо Неймар мени танийдими деган саволлар билан қийналарди. Мен жавоб бердим: “Дўстим, у сени жуда яхши танийди. Сен унинг ўйинидан қанчалик завқ олсанг, у ҳам сенинг ўйинингдан шунчалик ҳайратда қолади”. Кореяга қарши баҳсдан олдин Неймарга хабар юбордим: “Ўйиндан кейин Сон билан футболка алмаштиринг. Чунки у сизнинг ашаддий мухлисингиз”, — дейди Эмерсон.

Эслатиб ўтамиз, Жанубий Корея — Бразилия учрашуви 5:1 ҳисобида Америка қитъаси вакилларининг йирик ғалабаси билан якунланди.