Сон Хин Мин фаолиятини якунлагандан сўнг уйланмоқчи

Лондоннинг “Тоттенхэм” клуби ҳамда Жанубий Корея терма жамоаси форварди Сон Хин Мин отасининг маслаҳатига қулоқ солган ҳолда фаолиятини якунлагач оила қурмоқчи.

“Отам бу ҳақда гапирган ва мен унинг фикрига қўшиламан. Агар турмуш қурсангиз, у ҳолда оила ва фарзандларингиз футболдан муҳимроқ бўлиб қолади. Ҳозирда энг юқори формамда тўп сураётган эканман, мен учун футбол биринчи бўлиб қолаверади.

Ҳеч қайси футболчи қанча муддат юқори даражада ўйин кўрсата олишини билмайди. Аммо, футболчилик фаолиятингизни 33-34 ёшда якунласангиз, ана ундан сўнг оилангиз билан узоқ вақт бахтли ҳаёт кечиришингиз мумкин”, - дейди кореялик футболчи.