Сўнгги бир ойда "Қўқон-1912"нинг қаҳрамони ким бўлганини биласизми?

"Қўқон-1912" жамоасининг марказий ҳимоячиси Иван Йосович бир ой мобайнида рақиблар дарвозасига 4 та гол киритди.

Сербиялик ҳимоячи 25 август куни "Сурхон" дарвозасига, 10 сентябрь куни "Бунёдкор" дарвозасига, 19 ва 25 сентябрь кунлари эса "Металлург" ҳамда "Андижон" жамоаси дарвозаларига гол киритди, - дея хабар бермоқда “Қўқон-1912” матбуот хизмати.

Яна шуни қўшимча қилиш керакки, Йосович тўртта голидан иккитасини пенальтидан киритди. У жамоанинг тўпурар ҳимоячиси Мурод Холмуҳаммедовнинг йўқлигини ўз голлари билан тўлдириб турибди, дейиш мумкин.